في رمضان، احنا مش بس بنصوم عن الأكل، أحيانًا بنصوم عن التفكير قبل ما نصرف. قرارات كتير بتبقى عاطفية: "هات زيادة عشان العزومة"، "خلينا نجرب النوع الأغلى"، "رمضان مرة في السنة مش هنحرم نفسنا".
بس الحقيقة إن رمضان مش بس شهر صرف زيادة، هو شهر استهلاك مكثف بدون تخطيط. المفارقة إن ساعات كتير بنشتري أكل أكتر من اللي بناكله، ونرمي جزء منه، وفي نفس الوقت نحس إن الفلوس خلصت بسرعة. عشان كده تنظيم الميزانية في رمضان مش معناه تقليل الخير أو العزومات، معناه إنك تصرف بوعي، مش بعاطفة أو تسرّع.
لو عايز رمضان السنة دي يعدي من غير توتر مالي، ومن غير ما تبدأ بعده تندم على اللي اتصرف، خلينا نمشي بخطة عملية وسهلة في المقال ده.
افهم فلوس رمضان بتروح فين
أول خطوة في تنظيم مصاريف رمضان إنك تحدد الحاجات اللي بتسحب من ميزانيتك أكتر حاجة: مشتريات السوبر ماركت، الياميش والحلويات، العصاير والمشروبات، العزومات والخروجات، ولا فواتير الكهرباء والمياه، والغاز؟
جرب تسجل كل حاجة بتصرفها لمدة أسبوع. هتكتشف إن في مصاريف صغيرة بتتكرر يوميًا وبتعمل رقم كبير آخر الشهر.
قبل ما رمضان يبدأ، اعمل جدول تقديري بمصاريفك عشان تبقى داخل الشهر وانت عارف هتصرف فين وتقريباً محتاج قد ايه.
حدد ميزانية واضحة لشهر رمضان
من أهم قواعد تخطيط الميزانية الشهرية في رمضان إنك تحط رقم محدد للمصاريف:
- حدد إجمالي دخلك.
- خصص رقم معين لمصاريف رمضان.
- قسّم الرقم ده أسبوعيًا عشان تتحكم أكتر.
- حط مبلغ للطوارئ.
الفكرة هنا إنك تتحكم في الفلوس بدل ما الفلوس تتحكم فيك والمصاريف تسحبك لدائرة الضغط.
ولو عندك هدف بعد رمضان، زي السفر أو شراء حاجة مهمة، ممكن تبدأ تحوش وتلتزم من دلوقتي من خلال جمعيات ماني فيللوز. نزل الأبلكيشن وابدأ دلوقتي.
خطوات الالتزام بميزانية رمضان
كتير من الناس بيحطوا ميزانية، بس المشكلة إن التنفيذ هو اللي مابيكملش. وهنا بييجي دور أدوات الإدارة والتحويش الذكية زي تطبيق ماني فيللوز. بدل ما تحاول تحوش لوحدك، أو كل شوية تكسر ميزانيتك، تقدر تدخل جمعية رقمية بالمبلغ اللي عايز تحوشه خلال رمضان أو بعده بالمدة اللي تختارها من 6 شهور، 10 شهور، أو 12 شهر.
يعني مثلًا: عايز توفر 3,000 جنيه من مصاريف رمضان؟ أو تجهز لمصاريف العيد؟ أو تبدأ تجمع لهدف بعد عايز توصله بعد رمضان؟ تقدر تحدد مبلغ شهري ثابت، وتلتزم بيه من غير فوائد ومن غير ديون. وبكده بتخلّي الادخار جزء من خطتك اليومية.
لو فعلاً عايز تخرج من رمضان ومعاك مبلغ متجمع، نزّل تطبيق ماني فيللوز وابدأ خطتك من أول يوم.
