تقدر تطلب كارت ماني فيللوز ببطاقة الرقم القومي فقط. ومع لحظة قبول الطلب هتقدر تستلمه من خلال أماكن الاستلام المحددة على الأبلكيشن.

تقدر تستلم الكارت من أقرب نقطة استلام ليك ضمن أكتر من نقطة محددة على الأبلكيشن، وعشان تستلم الكارت محتاج يكون معاك بطاقة الرقم القومي وهتحتاج تمضي على وثيقة "اعرف عميلك" عند مكان الاستلام من خلال أحد مندوبينا.

• اعمل Scan للكود المرفق مع الكارت.
• من صفحة "الكارت" على الأبلكيشن، اختار "تفعيل".
• دخّل آخر أربع أرقام على الكارت.
• دخّل كود التفعيل على ظهر الكارت.

مصاريف إصدار الكارت 149ج للعملاء المشتركين معانا في جمعيات، و300 جنيه لغير العملاء.

• دفع وقبض جمعيتك بدون مصاريف خدمة.
• الدفع أونلاين أو في أي مكان من خلال ماكينات نقاط البيع.
• إيداع وسحب فلوس من أي ماكينة ATM.

• خصومات وعروض حصرية مع أكبر المحلات.
• دفع قسط جمعيتك بدون مصاريف إضافية.
• استلام قبض جمعيتك بدون مصاريف إضافية.

تقدر تعمل تجميد لكارتك في الوقت اللي تختاره:

• من صفحة "الكارت" دوس على "المزيد".
• اختار "تجميد الكارت".
• اختار "تجميد الكارت مؤقتا".
• للتأكيد دخل رمز المرور الخاص بيك.

استخدام كارت Money Fellows بيكون داخل مصر فقط في الوقت الحالي وده طبقاً لقوانين البنك المركزي اللي بيفرضها على البطاقات المدفوعة مسبقاً.

ممكن تدفع بيه في أي مكان من خلال ماكينات نقاط البيع وهيرجعلك كاش باك على مشترياتك.

ممكن تستخدمه في سحب فلوس من أي ماكينة صراف آلي مع تطبيق رسوم محددة.

مدة صلاحية الكارت هي 5 سنوات من تاريخ إصداره.

الحد للسحب على كارت Money Fellows كالآتي:

 يوميًا:

• حد السحب والشراء: 60,000ج.
• حد الإيداع: 60,000ج.
• حد السحب: 30,000ج.

شهريًا:

• حد السحب: 200,000ج.
• حد الإيداع: 200,000ج.
• حد الشراء: 200,000ج.

قريب هتتوفر الخدمة دي وهيكون متاح عمل تحويلات بين حاملي كارت Money Fellows.